Isabel Herguerak koordinatutako Mugimenduzko irudien laborategia animazio esperimentala garatzeko eta ekoizteko gunea da. 2013an egingo diren tailer eta hitzaldietan, beraz, oinarrian zinema nahiz arte plastikoak dituen ikus-entzunezko diziplina bat emango da ezagutzera. Mugimenduzko irudien laborategiaren helburua da, alde batetik, animazioaren teknika jartzea artistaren eskura eta, bestaldetik, haren sormena sustatzea lan sareak ezarrita eta beste diziplina artistiko batzuetatik datozen autore eta kolektiboekin harremanetan jarrita.