Artelekuko Arte eta Teknologia Laborategia asmo batekin jaio da: lan eta esperimentaziozko espazio ireki bat sortzea jende gehienak aurkako gisa onartzen dituen diziplina horien topaketak gertatzen diren alorretan; ezker hemisferioa-eskuin hemisferioa, arrazionaltasuna-irrazionaltasuna, logikoa-ilogikoa dira herri kulturak etxekotu gaituen antonimo-bikoteetako batzuk. Hori errealitatetik ezin urrunago dago. Artista izan da uneko azken teknologietara hurbildu eta haiekin bat egin duen gizarteko lehenbiziko kideetako bat.