Ilustratzailea, zinemagilea eta, Laura Ginès-ekin batera, Laboratorium, mikrofaktoriaren sortzailea. Mikrofaktoria horretan, film eta argitalpen esperimentalak ekoizteaz gain, ilustrazioak eta grafikoak egiten dituzte prentsa eta telebistarentzat. Bere filmak eta marrazkiak Estatuko nahiz nazioarteko arte-zentro ugaritan aurkeztu ditu, liburuak argitaratu ditu, eta sariak irabazi ditu argazkigintzaren, ilustrazioaren eta ikus-entzunezkoen alorretan. Duela urte batzuez geroztik, zinema esperimentaleko eta animazioko ikastaroak ematen ditu Bartzelonako Massana eskolan.